ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਢਢੋਗਲ-ਖੇੜੀ (ਸੰਗਰੂਰ) ਵਿਖੇ ਫਨ ਐਕਟੀਵਿਟੀ ਅਧੀਨ ਕਰਵਾਏ ਸਪੈਲ ਬੀ ਮੁਕਾਬਲੇ

ਸਿੱਖਿਆ ਵਿਭਾਗ ਵੱਲੋਂ ਜਾਰੀ ਜਾਰੀ ਫਨ ਐਕਟੀਵਿਟੀ ਸਮਾਂ ਸਾਰਣੀ ਅਨੁਸਾਰ, ਪ੍ਰਿੰਸੀਪਲ ਸ਼੍ਰੀਮਤੀ ਰਜਨੀ ਰਾਣੀ ਜੀ ਦੀ ਰਹਿਨੁਮਾਈ ਅਧੀਨ ਕੰਪਿਊਟਰ ਵਿਸ਼ੇ ਦੀ ਸਪੈਲ ਬੀ ਫਨ ਐਕਟੀਵਿਟੀ ਕਾਰਵਾਈ ਗਈ ਜਿਸ ਸਬੰਧੀ ਮੁਹੰਮਦ ਆਰਿਫ ਕੰਪਿਊਟਰ ਅਧਿਆਪਕ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਇਸ ਵਿੱਚ 6ਵੀਂ ਤੋਂ 12ਵੀਂ ਕਲਾਸ ਤੱਕ ਦੇ ਵਿਦਿਆਰਥੀਆਂ ਨੇ ਵੱਖ ਵੱਖ ਲੈਵਲਾਂ ਅਨੁਸਾਰ ਭਾਗ ਲਿਆ ਅਤੇ ਇਸ ਫਨ ਐਕਟੀਵਿਟੀ ਵਿੱਚ ਵਧੇਰੇ ਰੁਚੀ ਜਾਹਰ ਕੀਤੀ। ਮੁਹੰਮਦ ਆਰਿਫ਼ ਅਤੇ ਮਨਦੀਪ ਕੌਰ ਕੰਪਿਊਟਰ ਅਧਿਆਪਕਾਂ ਨੇ ਇਹ ਐਕਟੀਵਿਟੀ ਆਨਲਾਈਨ ਕਾਰਵਾਈ ਜਿਸ ਵਿਚ ਲੈਵਲ 6ਵੀਂ ਤੋਂ 8ਵੀਂ ਵਿੱਚ ਪ੍ਰਭਜੀਤ ਕੌਰ ਕਲਾਸ 6ਵੀਂ, 9ਵੀਂ ਤੋਂ 10ਵੀਂ ਵਿੱਚ ਗੁਰਜੋਤ ਸਿੰਘ ਕਲਾਸ 10ਵੀਂ ਅਤੇ 11ਵੀਂ ਤੋਂ 12ਵੀਂ ਵਿੱਚ ਦਿਲਪ੍ਰੀਤ ਕੌਰ ਕਾਲਸ 11ਵੀਂ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਪ੍ਰਿੰਸੀਪਲ ਸ.ਸ.ਸ.ਸ. ਢਢੋਗਲ-ਖੇੜੀ ਰਜਨੀ ਰਾਣੀ ਜੀ ਨੇ ਸਥਾਨ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਬਾਕੀ ਵਿਦਿਆਰਥੀਆਂ ਨੂੰ ਵੀ ਮੋਟੀਵੇਟ ਕੀਤਾ।